തൊടുപുഴ: റായിപൂരില്‍ നടന്ന ദേശീയ പഞ്ചഗുസ്തി മത്സരത്തില്‍ മൂന്ന് വിഭാഗങ്ങളിലായി സ്വര്‍ണമെഡല്‍ നേടി പഞ്ചഗുസ്തി ചാമ്പ്യനായ ബൈജു ലൂക്കോസിനു നാടിന്റെ സ്വീകരണം. ജന്മനാടായ ഇടുക്കി ജില്ലയിലെ തൊടുപുഴയ്ക്കടുത്ത മ്രാലയില്‍ സ്‌നേഹോഷ്മളമായ പൗര സ്വീകരണമാണ് ഒരുക്കിയത്.മുന്‍ ബ്ലോക്ക് പഞ്ചായത്ത് അംഗം ജേക്കബ് മത്തായിയുടെ അധ്യക്ഷതയില്‍ ചേര്‍ന്ന യോഗത്തില്‍ റോള്‍ ബോള്‍ അസോസിയേഷന്‍ സംസ്ഥാന ജോയിന്‍ സെക്രട്ടറിയും ജില്ലാ സ്‌പോര്‍ട്‌സ് കൗണ്‍സില്‍ അംഗവുമായ പി.കെ. രാജേന്ദ്രന്‍ മുന്‍ പഞ്ചായത്ത് അംഗം ജോമോന്‍ മുടക്കോടിയില്‍, മര്‍ച്ചന്റ് അസോസിയേഷന്‍ പ്രതിനിധി എ.സി.എബ്രഹാം തുടങ്ങിയവര്‍ പൊന്നാട അണിയിച്ച്ആദരിച്ചു.
