മലയാളി മോഡലും നടിയുമായ ആരാധ്യ ദേവിയുടെ പിറന്നാൾ വൻ ആഘോഷമാക്കി സംവിധായകൻ രാം ഗോപാൽ വർമ. സംവിധായകൻ തന്നെയാണ് പിറന്നാൾ ആഘോഷത്തിന്റെ വീഡിയോ പങ്കുവച്ചത്. രാം ഗോപാൽ വർമയുടെ ഹൈദരാബാദുള്ള ഡെന്നിൽ വച്ചായിരുന്നു ആഘോഷം. സംവിധായകന്റെ കുടുംബാംഗങ്ങളും അസോസിയേറ്റ്സും ആഘോഷത്തിൽ പങ്കുചേർന്നു
രാം ഗോപാൽ വർമ സംവിധാനം ചെയ്യുന്ന സാരി എന്ന ചിത്രത്തിലെ നായികയാണ് ആരാധ്യ. രവി വർമ നിർമിച്ച് ഗിരി കൃഷ്ണ കമൽ സംവിധാനം ചെയ്യുന്ന ചിത്രം സാരി ചുറ്റിയ യുവതിയോട് ഒരു യുവാവിന് തോന്നുന്ന അടങ്ങാത്ത അഭിനിവേശം പിന്നീട് അപകടകരമായി മാറുന്ന കഥ പറയുന്ന ചിത്രമാണ്. സത്യ യാദുവാണ് ചിത്രത്തിൽ നായകനായെത്തുന്നത്.
