തൃശൂർ: മൂന്നു വയസുകാരിയെ കാട്ടുപാതയിൽ ഉപേക്ഷിച്ച നിലയിൽ കണ്ടെത്തി. ദേശമംഗലം കൂട്ടുപാതയിലാണ് കുട്ടിയെ ഉപേക്ഷിക്കപ്പെട്ട നിലയിൽ കണ്ടെത്തിയത്.
ഇതുവഴി യാത്ര ചെയ്ത നാട്ടുകാരാണ് കുട്ടിയെ കണ്ടെത്തിയത്. ഉടനെ പോലീസിലറിയിക്കുകയായിരുന്നു. ചെറുതുരുത്തി പോലീസെത്തി കുട്ടിയെ ആശുപത്രിയിലേക്ക് മാറ്റി.
ഇതരസംസ്ഥാന തൊഴിലാളികളുടെ കുട്ടിയാണെന്ന് സംശയിക്കുന്നതായി പോലീസ് പറഞ്ഞു. കുട്ടിയെ ഉപേക്ഷിച്ചതാണോ, അതോ വഴിതെറ്റി ഇവിടെയെത്തിപ്പെട്ടതാണോയെന്ന കാര്യത്തിൽ വ്യക്തത വരാനുണ്ട്.
