എറണാകുളം: കളമശേരിയിൽ ബസിൽ കയറി കണ്ടക്ടറെ കുത്തിക്കൊന്ന യുവാവ് പിടിയിൽ. ബസിൽ കയറി ഇടുക്കി രാജകുമാരി സ്വദേശിയായ അനീഷ് പീറ്റർ (34)നെ കുത്തിക്കൊലപ്പെടുത്തിയ സംഭവത്തിൽ കളമശേരി സ്വദേശി പിടിയിൽ. കളമശേരി സ്വദേശി മിനൂപ് ബിജു ആണ് പിടിയിലായത്.
മാസ്ക് ധരിച്ചെത്തിയ പ്രതി മെഡിക്കൽ കോളേജിൽനിന്ന് ഷട്ടിൽ സർവീസ് നടത്തുന്ന അസ്ത്ര ബസിലെ കണ്ടക്ടറെ കത്തി ഉപയോഗിച്ച് കുത്തുകയായിരുന്നു. ബസ് കളമശേരി എച്ച്എംടി ജംഗ്ഷനിൽ എത്തിയപ്പോൾ ഇയാൾ ബസിൽ ചാടിക്കയറുകയായിരുന്നു.
മാസ്ക് ധരിച്ചെത്തിയ ഇയാൾ പിന്നീട് ഓടി രക്ഷപെട്ടു. തുടർന്ന് പോലീസ് നടത്തിയ തെരച്ചിലിലാണ് പ്രതി പിടിയിലായത്. തന്റെ പെൺ സുഹൃത്തിനെ കളിയാക്കിയതിലുള്ള പകയാണ് കൊലയ്ക്കു പിന്നിലെന്നാണ് സൂചന.
