ന്യൂഡൽഹി: ഇന്ത്യ എല്ലാവരുടേതാണ്, പക്ഷെ ബിജെപിക്ക് മനസിലാകുന്നില്ല .”ഭാരതമെന്ന ഇന്ത്യ ഒരു യൂണിയൻ സംസ്ഥാനമാണ്, ചരിത്രങ്ങളും പാരമ്പര്യ സംഗീതവും നൃത്തവും എല്ലാം ഇഴചേർന്നത്. എന്നാൽ ബിജെപി പറയുന്നത് ഇത് ഒരു യൂണിയനല്ല, വ്യത്യസ്തമാണെന്നാണെന്നും ലോക്സഭാ പ്രതിപക്ഷ നേതാവ് രാഹുൽ ഗാന്ധി. മൂന്ന് ദിവസത്തെ സന്ദർശനത്തിനായി യുഎസിലെത്തിയതായിരുന്നു അദ്ദേഹം.
ചില സംസ്ഥാനങ്ങളെയും ഭാഷകളെയും മതങ്ങളെയും മറ്റുള്ളവരെക്കാൾ താഴ്ന്നതായി കരുതുന്നു. ചില സംസ്ഥാനങ്ങൾ മറ്റ് സംസ്ഥാനങ്ങളെക്കാൾ താഴ്ന്നതാണെന്നാണ് ആർഎസ്എസ് പറയുന്നത്. ചില ഭാഷകൾ മറ്റ് ഭാഷകളേക്കാൾ താഴ്ന്നതാണ്, ചില മതങ്ങൾ മറ്റ് മതങ്ങളേക്കാൾ താഴ്ന്നതാണ്, ചില സമുദായങ്ങൾ മറ്റ് സമുദായങ്ങളേക്കാൾ താഴ്ന്നവരാണ്. വിർജീനിയയിലെ ഹെർണ്ടനിൽ ഒരു പരിപാടിയിൽ സംസാരിക്കവെ അദ്ദേഹം ബിജെപിക്കും ആർഎസ്എസിനുമെതിരെ പ്രസ്ഥാപിച്ചു.
എല്ലാ സംസ്ഥാനങ്ങൾക്കും അതിൻ്റേതായ ചരിത്രവും പാരമ്പര്യവുമുണ്ടെങ്കിലും ആർഎസ്എസ് പ്രത്യയശാസ്ത്രത്തിൽ തമിഴും മറാത്തിയും ബംഗാളിയും മണിപ്പൂരിയും അധഃകൃത ഭാഷകളാണെന്നും അദ്ദേഹം പറഞ്ഞു. യുഎസിൽ ഇത് രണ്ടാം തവണയാണ് മുതിർന്ന കോൺഗ്രസ് നേതാവ് ആർഎസ്എസിനും ബിജെപിക്കുമെതിരെ ആഞ്ഞടിക്കുന്നത്.
ഡാലസിൽ നടത്തിയ പ്രസംഗത്തിൽ, ആർഎസ്എസ് ഇന്ത്യയെ ഒരൊറ്റ ആശയമായാണ് വീക്ഷിക്കുന്നത്, അതേസമയം കോൺഗ്രസ് അതിനെ ആശയങ്ങളുടെ ബഹുസ്വരതയായാണ് കാണുന്നതെന്ന ഗാന്ധി പറഞ്ഞിരുന്നു. ലോക്സഭാ തെരഞ്ഞെടുപ്പ് ഫലം വന്ന് മിനിറ്റുകൾക്കകം ജനങ്ങൾക്ക് ബിജെപിയോടുള്ള ഭയം ഇല്ലാതായെന്നും അദ്ദേഹം കഴിഞ്ഞ ദിവസം പറഞ്ഞിരുന്നു.
