കൊച്ചി: സിനിമയിൽ അവസരവും വിവാഹ വാഗ്ദാനവും നൽകി പീഡിപ്പിച്ചെന്ന പരാതിയിൽ സംവിധായകൻ അറസ്റ്റിൽ. സംഭവത്തിൽ ജെയിംസ് കാമറൂൺ എന്ന സിനിമയിടെ സംവിധായകനും അസിസ്റ്റന്റ് ഡയറക്ടറായി പ്രവർത്തിക്കുകയും ചെയ്തിട്ടുള്ള മലപ്പുറം പൂച്ചാൽ കല്ലറമ്മൽ വീട്ടിൽ എ. ഷാജഹാനെ (31)യാണ് പാലാരിവട്ടം പൊലീസ് പിടികൂടിയത്
കണ്ണൂർ സ്വദേശിയായ യുവതിക്കൊപ്പം വെണ്ണലയിലാണു ഷാജഹാൻ താമസിച്ചിരുന്നത്. ജെയിംസ് കാമറൂൺ എന്ന ചിത്രത്തിൽ പരാതിക്കാരിയായ യുവതി അഭിനയിച്ചെങ്കിലും പിന്നീട് സിനിമ പുറത്തിറങ്ങിയില്ല.
സിനിമയിൽ അവസരവും യുവതിയെ വിവാഹം കഴിക്കുമെന്നായിരുന്നു ഷാജഹാൻ പറഞ്ഞിരുന്നതെങ്കിലും ഇയാൾ വിവാഹിതനാണെന്ന വിവരം പിന്നീടു യുവതി അറിഞ്ഞു. ഇതോടെയാണു പരാതി നൽകിയത്. തുടർച്ചയായി ബലാത്സംഗം ചെയ്യുക, ഭീഷണി, വഞ്ചന, ആയുധം ഉപയോഗിച്ചു മുറിവേൽപിക്കൽ തുടങ്ങിയ വകുപ്പുകൾ പ്രകാരമാണ് പാലാരിവട്ടം പോലീസ് കേസെടുത്തിട്ടുള്ളത്.
