കൊൽക്കത്ത/ തിരുവനന്തപുരം: കൊൽക്കത്തയിൽ വനിതാ ഡോക്ടർ കൊല്ലപ്പെട്ട സംഭവത്തിൽ നാളെ മുതൽ, ഇന്ത്യയിലെ ഡോക്ടർമാർ 24 മണിക്കൂർ സേവനങ്ങൾ പിൻവലിക്കുമെന്ന് ഇന്ത്യൻ മെഡിക്കൽ അസോസിയേഷൻ (ഐഎംഎ) അറിയിച്ചു. ശനിയാഴ്ച രാവിലെ 6 മുതൽ ഞായറാഴ്ച രാവിലെ 6 വരെ രാജ്യവ്യാപകമായി പണിമുടക്കും. അവശ്യേതര സേവനങ്ങൾ പിൻവലിക്കും.
എല്ലാ അവശ്യ സേവനങ്ങളും നിലനിർത്തും. അപകടത്തിൽപ്പെട്ടവരെ നിയന്ത്രിക്കും. സാധാരണ ഒപിഡികൾ പ്രവർത്തിക്കില്ല, ഇലക്റ്റീവ് സർജറികൾ നടത്തില്ല. മോഡേൺ മെഡിസിൻ ഡോക്ടർമാർ സേവനം നൽകുന്ന എല്ലാ മേഖലകളിലും പിൻമാറ്റമുണ്ടാകുമെന്നും ഐഎംഎ പ്രസ്താവന പറഞ്ഞു.
ഓഗസ്റ്റ് 9 ന്, കൊൽക്കത്തയിലെ ആർജി കാർ മെഡിക്കൽ കോളേജിൽ ഡ്യൂട്ടിക്കിടെയാണ് പോസ്റ്റ് ഗ്രാജ്വേറ്റ് ട്രെയിനി ഡോക്ടറെ കൊല്ലപ്പെട്ട നിലയിൽ കണ്ടെത്തിയത്, സംഭവത്തിന് ശേഷം കൊൽക്കത്ത പോലീസ് നിരവധി പേരെ അറസ്റ്റ് ചെയ്യുകയും നിരവധി പേരെ ചോദ്യം ചെയ്യുകയും ചെയ്തു.
ഇതിനിടെ ആര്ജി കാര് ഹോസ്പിറ്റല് അക്രമിച്ച സംഭവത്തില് 19 പേരെ പോലീസ് അറസ്റ്റ് ചെയ്തു.
