“ഞാൻ വളരെക്കാലമായി എത്താൻ ആഗ്രഹിച്ച ഒരു നാഴികക്കല്ലായിരുന്നു ഇത്. ഞാൻ ഈ നമ്പറിൽ എത്തുമെന്ന് എനിക്കറിയാമായിരുന്നു, കാരണം ഞാൻ കളിക്കുന്നത് തുടരുമ്പോൾ അത് സ്വാഭാവികമായും സംഭവിക്കും.” തന്റെ കരിയറിലെ 900-ാം ഗോൾ എന്ന ചരിത്ര നേട്ടം കൈവരിച്ചശേഷമുള്ള ക്രിസ്റ്റ്യാനോ റൊണാൾഡോ എന്ന 39 കാരന്റെ വാക്കുകളായിരുന്നു ഇത്. ഒപ്പം തന്റെ പേജിൽ താരം ഇങ്ങനെ കുറിച്ചു.” ഞാൻ ഇത് സ്വപ്നം കണ്ടു, എനിക്ക് കൂടുതൽ സ്വപ്നങ്ങളുണ്ട്”.
യുവേഫ നേഷൻസ് ലീഗിലെ തങ്ങളുടെ ആദ്യ മത്സരത്തിൽ പോർച്ചുഗൽ ക്രൊയേഷ്യയെ 2-1 ന് തോൽപ്പിച്ച മത്സരത്തിന്റെ 34 മിനിറ്റിലായിരുന്നു ഈ ചരിത്ര ഗോളിന്റെ ജനനം. ലിസ്ബണിലെ എസ്റ്റാഡിയോ ഡ ലൂസിൽ നടന്ന മത്സരത്തിൻ്റെ 34-ാം മിനിറ്റിൽ നൂനോ മെൻഡസ് നൽകിയ ക്രോസ് റൊണാൾഡോ ഗോളാക്കി മാറ്റുകയായിരുന്നു.
ആഘോഷത്തിൽ, റൊണാൾഡോ തൻ്റെ കൈകൾ മുഖത്തേക്ക് ഉയർത്തി മുട്ടുകുത്തിയായിരുന്നു ദേശീയ ടീമിന് വേണ്ടിയുള്ള തൻ്റെ 131-ാമത് ഗോൾ അദ്ദേഹം ആഘോഷമാക്കിയത്.
900 ഗോൾ എന്ന സംഖ്യയിലേക്കെത്താൻ പ്രധാന പങ്കു വഹിച്ചത് റയൽ മാഡ്രിഡിനായിരുന്നു. റോണാൾഡോയുടെ കരിയറിലെ പകുതി ഗോളുകളും റയൽ മാഡ്രിഡിന് വേണ്ടിയിട്ടായിരുന്നു. ബാക്കിയുള്ളവ സ്പോർട്ടിംഗ് ലിസ്ബൺ, മാഞ്ചസ്റ്റർ യുണൈറ്റഡ്, നിലവിലെ ക്ലബ് അൽ-നാസർ എന്നിവിടങ്ങളിലായി വ്യാപിച്ചു.
“ഇത് ഒരു നാഴികക്കല്ലായതിനാൽ വൈകാരികമായിരുന്നു. ഇത് മറ്റേതൊരു നാഴികക്കല്ല് പോലെ തോന്നുന്നു, പക്ഷേ എനിക്ക് മാത്രമേ അറിയൂ, എനിക്ക് ചുറ്റുമുള്ള ആളുകൾക്ക്, എല്ലാ ദിവസവും ജോലിചെയ്യാനും ശാരീരികമായും മാനസികമായും യോഗ്യനായിരിക്കാനും 900 ഗോളുകൾ നേടാനും എത്ര ബുദ്ധിമുട്ടാണെന്ന്. ഇത് എൻ്റെ കരിയറിലെ അതുല്യമായ ഒരു നാഴികക്കല്ലാണ്. ”
എക്കാലത്തെയും സ്കോറർമാരുടെ പട്ടികയിൽ, അഞ്ച് തവണ ബാലൺ ഡി ഓർ ജേതാവായ റൊണാൾഡോ തൻ്റെ ഏറ്റവും അടുത്ത ചലഞ്ചറായ ലയണൽ മെസ്സിയെക്കാൾ 58 ഗോളുകൾക്ക് മുന്നിലാണ്, മെസിക്ക് 842 ഗോളുകളാണുള്ളത്. മൂന്നാം സ്ഥാനത്തുള്ളത്ബ്രസീലിയൻ ഇതിഹാസം പെലെ ആണ്. 765 ഗോൾ.
“എനിക്ക് 1,000 ഗോളുകളിൽ എത്തണം,” തൻ്റെ യൂട്യൂബ് ചാനലിനായി മുൻ മാൻ യുണൈറ്റഡ് ടീമംഗം റിയോ ഫെർഡിനാൻഡിനോട് അദ്ദേഹം പറഞ്ഞു, ആ ചരിത്രപരമായ അടയാളം ഏകദേശം 41 വയസിൽ വരുമെന്ന് കണക്കാക്കുന്നു. എനിക്ക് പരുക്കുകളൊന്നുമില്ലെങ്കിൽ, ഇത് എനിക്കുള്ളതാണ്. ഏറ്റവും പ്രധാനപ്പെട്ട കാര്യം, എനിക്ക് ഫുട്ബോളിൽ നേടാനാകുന്ന ഏറ്റവും മികച്ച മാർക്ക്, ആദ്യം, 900 ഗോളുകൾ നേടുക എന്നതാണ്. ഇതിയും തന്റെ കുതിപ്പ് നിർത്താൻ ഉദ്ദേശിക്കുന്നില്ലെന്ന് അടിവരയിട്ട് ഉറപ്പിച്ച് കൊണ്ടുള്ള റൊണാൾഡോയെന്ന ഇതിഹാസത്തിന്റെ വാക്കുകൾ.
9️⃣0️⃣0️⃣ golos para o melhor da história do futebol ⚽️🐐👑#sporttvportugal #FUTEBOLnaSPORTTV #LigadasNações #Portugal #Croácia #CristianoRonaldo pic.twitter.com/DSo6xrgDKI
— sport tv (@sporttvportugal) September 5, 2024
